فيديوهات متنوعةكليبات

اروع القصايد الرومانسية اهو غار في داهيه

 

متزعليش لو جم قالولك
انه مش باين عليه اثر الفراق
وانه مش بيجيب في سيرتك وانه عادي
لا بان عليه اثر الفراق ولا فيه الم ولا فيه اشتياق
حقاش قصيدة كتبها فيكي هيا دي اللي طلعتي بيها
اما هو خلاص نسيكى
عادته ولا هيشتريها ..
واحنا قلنالك زمان مبتسمعيش ……

فمتزعليش

ثم هو مكنش نقوة
كان بيتأخر عليكي بالساعات
وكان مفلس ..
وشكله يعني مكنش هُوّا
وكل اصحابك عابـووووه
اهو غار فداهية وبكرة يركع تحت رجلك سيد ابوه

فمتزعليش

بس يمكن كان حنين حبتين؟
هما بس حبتين !
كان برضه بيسخف عليكي
كنتي فين ورايحة فين وجاية فين

بس كان بيبان عليه
لما اسمك يجي في الكلام تلمع عينيه

بس برضه كان سقييييل

مكنش بيقدر ظروفك
كام مرة قلتي مستحيل ويصر برضه انه يشوفك !

..
ومتزعليش …

من قساوة الدنيا وعنادها العجيب
انا كنت فاكر نفسي اقوي من النصيب
وكنت بتريق على اللي مكملوش !
مين كان يقول ان النهاية تكون فاشوش

انا لسه فاكر وقفتك وسط البنات
فاكر هدومك وابتسامتك والسكات
اذا كان فراقنا صحا فيكي كام وجع
انا كل ليلة باتدبح بالذكريات!

انا عندي ركن بحط فيه كل الحاجات
كل القصايد والالم كل البنات
جيت اركنك جواه رفض
مكفاكيش ….!!…فمتزعليش
ان جم قالوليك انه مش باين اثر الفراق
متصدقيش !

انا لما سبتك
كل حاجة اتغيرت ريحة الشوارع
والدكاكين القديمة والبيوت
كأني ببدأ من جديد رحلة حياتي او بموت
حسيت كأني نهيت حياتي خنقتها
انا كنت متخانق معاكي وقتها
مكنتش اقصد امشي مترجعيش..
بس انتي كنتي صغيرة
مفهمتنيش !!

الطبع غلاب وانتي عارفة وكنتي لازم تعذريني
معرفتش اترجاكي وانتي بتدبحيني
ربونا عالهيبة وعالحب بقَيَامَة
وان لما البنت تتقل يوم عليك
بـالسلااامة !

صدقيهم لو قالولك اني عصبي او فلاتي
واني بعرف اي واحدة وقلبي بيغير يوماتي
صدقيهم لو قالولك اي كذبة عن حياتي
بس اوعي تصدقيهم لو قالولك
انه كان كذاب معاكي محبكيش
وان جم قالولك انه مش باين عليه اثر الفراق
متـصـدقـيش

الوسوم
اظهر المزيد

مقالات ذات صلة

اترك رد

إغلاق
إغلاق