كليبات

داري يا قلبي حمزة نمرة

استطاع المطرب حمزة نمرة كسر حاجز الـ 2 ونصف مليون مشاهدة خلال يومين فقط، لكليبه الجديد “دارى يا قلبى” والذى طرحه نمرة تمهيدا لطرح ألبومه الجديد .

أغنية ” داري يا قلبي ” من ألبوم “هطير من تانى” الذى يستعد حمزة نمرة لطرحه فى الأسواق قريباً، والألبوم سيضم 8 أغنيات جديدة، وسيكون أول إنتاج لشركته الخاصة التى أسسها أخيرا، التى سيتم الكشف عن جميع تفاصيلها قريبا.

مالك مش باين ليه؟ قلبك تايه من مدة كبيرة
خايف تتكلم ليه؟ في عيونك حيرة وحكاوي كتيرة

متغير ياما عن زمان، قافل على قلبك البيبان
حبيت وفارقت كام مكان عايش جواك
احساسك كل يوم يقلّ، وتخطي وخطوتك تذلّ
من كتر ما أحبطوك تمل فين تلقى دواك!

بتودع حلم كل يوم، تستفرد بيك الهموم
وكله كوم والغربة كوم، والجرح كبير
مبتديش حاجة اهتمام، أهلًا أهلًا، سلام سلام
بقى طبعك قلة الكلام ومفيش تفسير

داري داري يا قلبي مهما تداري
قصاد الناس حزننا مكشوف
واهو عادي عادي، محدش ف الدنيادي
يتعلق بشئ إلا وفراقه يشوف

كل اللي معاك في الصورة غاب
وطنك والأهل والصحاب
كم واحد ودع وساب من غير أسباب
شايف في عينيك نظرة حنين، بتحن لمين ولا مين
طول عمرها ماشية السنين والناس ركاب

مع دقة عقرب الساعات بتموت جوانا ذكريات
عشِّمنا قلوبنا باللي فات ونسينا نعيش
كان مكتوب نمشي الطريق، ونفارق كل مدى شئ
اتسرق العمر بالبطئ ورسي على مفيش

داري داري يا قلبي مهما تداري
قصاد الناس حزننا مكشوف
واهو عادي عادي، محدش ف الدنيادي
يتعلق بشئ إلا وفراقه يشوف

الوسوم
اظهر المزيد

مقالات ذات صلة

اترك رد

إغلاق
إغلاق