مقالات

خنت جوزي مع قريبي ويهددني

انا عارفه اني غلطت بس والله كان غصبن عني انا متجوزه وعندى اولاد صغيرين وانا بحب جوزى بس للاسف ابتدا يهمل فيا وبيسيبني من الصبح لاخر الليل ولما بيجي يا دوب بياكل وينام ولا في اي اهتمام

المهم في الوقت ده بالصدفه كنت ماشيه انا واختي وقابلت واحد قريبنا من بعيد وكنا بنحب بعض زمان واخدت رقم اختي ورقمي وبقا يكلم اختي ويكلمني علي مدار سنه وفي السنه دى قربنا لبعض تاني ولو كان بيحصل مشاكل بينا اختي كانت تصالحنا علي بعض

المشكله بقا هنا انه متجوز وعنده اولاد ومراته شافت الواتس اللي بينه وبيني و كان في مكالمات فون مابينا وسمعت وبقت تتصل بيا وتشتمني اقذر الشتائم وانا والله مكنتش برد عليها علشانه وبصراحه هو كان الاول واقف معايا وبعد كده ابتدا يبعد عني علشان مراته واتخانق معايا بسببها وانا تعبت جدا واختي كلمته ورجعنا لبعض

المهم مراته فضلت تحاربنى وعايزه تفضحنى وهو كان بيقفلها وانا اقوله هديها معلش وكذا مره هو يسيب البيت او هي تسيب البيت لحد ما ربنا ينتقم منها وقعت مابينا انا معرفش ازاى ده حصل هى خلت واحد يعاكسنى و واحده واحده اتكلمنا بس كلام عادى والراجل ده اتصل عليه وشتمه وقاله انه حبيبي و سمعه صوتي وشتمه وقالو لو عرفت انك بتكلمها تاني هموتك وعمل نفسه اتصل بمراته ومراته عرفت واتخانقت معاه وهددته انها هتطلق وتسيب البيت وهو شتمني وقالي انا هفضحك لجوزك وهي شتمتني معاه

وانا بقيت اقوله الظلم حرام اكيد مراتك اللى عملت كده قالى مراتى انظف منك يا كذا وكذا وسبنى وشتمنى انا كل اللى تاعبنى وقهرنى انى اتظلمت وهو ظلمنى ويهمنى انه يعرف انى معملتش حاجه وكل ما اتصل عليه يشتمنى او مراته ترد عليا انا بجد بجد اتظلمت اعمل ايه علشان اثبتله ان مراته اكيد هى اللى بعتت الراجل اللى عكسنى ده اعمل ايه واثبت برائتى ليه ازاى والله انا ماخنته واختى كلمته وشتمها وخليت صاحبتى كلمته وبرضه شتمها اعمل ايه وهل فعلا ممكن ينفذ تهديده ويروح يقول لجوزى

اظهر المزيد

مقالات ذات صلة

اترك رد

إغلاق
إغلاق